TibbNot – İstifadə Şərtləri
1. Ümumi Məlumat
TibbNot tətbiqində təqdim olunan bütün məlumatlar tibbi maarifləndirmə və dəstək məqsədi daşıyır. Bu məlumatlar birbaşa diaqnostika və ya müalicə qərarları üçün nəzərdə tutulmamışdır.
2. Tibbi Məlumatın Xarakteri
Tibb daim inkişaf edən və dəyişən bir elm sahəsidir. Yeni araşdırmalar nəticəsində diaqnostika və müalicə yanaşmaları mütəmadi olaraq yenilənir.
Tətbiqdə yerləşdirilən məlumatlar hazırlandığı tarixə uyğun olaraq aktual və qəbul olunmuş tibbi standartlara əsaslanır. Buna baxmayaraq:
- Bütün məlumatların tam və ya qüsursuz olması təmin edilmir
- Bəzi məlumatlar zamanla köhnələ bilər
- Bütün klinik vəziyyətləri əhatə etməyə bilər
3. Məsuliyyətin Məhdudlaşdırılması
Tətbiqdə təqdim olunan məlumatlardan istifadə nəticəsində verilən klinik qərarlar və onların nəticələri istifadəçinin məsuliyyətindədir.
TibbNot:
- tibbi qərarlara görə məsuliyyət daşımır
- məlumatların istifadəsindən yaranan nəticələrə görə cavabdeh deyil
- gecikmiş və ya yanlış tətbiq nəticəsində yaranan hallara görə məsuliyyət daşımır
4. Peşəkar Qərarların Əhəmiyyəti
Tətbiqdəki məlumatlar:
- həkim qərarını əvəz etmir
- klinik düşüncə olmadan istifadə edilməməlidir
İstifadəçi hər zaman:
- beynəlxalq klinik protokolları
- yerli tibbi qaydaları
- aktual elmi məlumatları nəzərə almalıdır.
5. Təcili Hallar (VACİB)
Bu tətbiq təcili tibbi yardım xidməti deyil.
- Həyati təhlükə olduqda dərhal rəsmi təcili yardım xidmətinə müraciət edin
- Tətbiq üzərindən qərar verməklə gecikmə həyat üçün risk yarada bilər
6. Offline (İnternetsiz) Məzmun
Tətbiqdə yüklənmiş (offline) məlumatlar:
- sonradan yenilənməyə bilər
- köhnəlmiş və ya dəyişmiş ola bilər
İstifadəçi offline məlumatlardan istifadə edərkən bunun fərqində olmalıdır.
7. Premium Məzmun
Bəzi məzmunlar yalnız premium istifadəçilər üçün nəzərdə tutulur.
- Premium status bitdikdə həmin məzmuna giriş məhdudlaşdırıla bilər
- Daha əvvəl yüklənmiş premium məzmun sonradan əlçatmaz ola bilər
8. İstifadəçi Şərhləri və Məzmunu
Tətbiqdə istifadəçilər tərəfindən yazılan şərhlər:
- fərdi fikirləri əks etdirir
- tibbi tövsiyə kimi qəbul edilməməlidir
TibbNot:
- istifadəçi şərhlərinin düzgünlüyünə zəmanət vermir
- bu məlumatlara əsasən verilən qərarlara görə məsuliyyət daşımır
8.1. Şərh Qaydaları və Məsuliyyət
İstifadəçi şərh yazarkən aşağıdakı qaydalara riayət etməlidir:
- Təhqir, söyüş, nifrət nitqi və ya etikadan kənar ifadələr istifadə etməməlidir
- Digər istifadəçiləri və ya şəxsləri alçaldan, təhdid edən və ya diskriminasiya edən məzmun paylaşmamalıdır
- Yanıltıcı, təhlükəli və ya sübuta əsaslanmayan tibbi məlumat yaymamalıdır
- Qanunvericiliyə zidd hər hansı məzmun paylaşmamalıdır
İstifadəçi bu qaydaları pozduğu halda:
- yazdığı məzmun silinə bilər
- hesabına məhdudiyyət tətbiq oluna bilər
və zərurət olduqda:
- mövcud qanunvericiliyə uyğun olaraq hüquqi məsuliyyət daşıyır
8.2. Moderasiya Hüququ
TibbNot aşağıdakı hallarda müdaxilə etmək hüququnu özündə saxlayır:
- qaydalara zidd şərhlərin silinməsi
- istifadəçinin şərh yazma imkanının məhdudlaşdırılması
- təkrar pozuntular zamanı hesabın bloklanması
9. Yenilənmə və Dəyişikliklər
Tətbiq:
- mütəmadi olaraq yenilənə bilər
- məlumatlar dəyişdirilə və ya silinə bilər
Bütün məzmunun hər an tam aktual olması təmin edilmir.
10. İstifadə Qaydalarının Qəbulu
Tətbiqdən istifadə etməklə istifadəçi:
- bu şərtlərlə razılaşdığını
- məsuliyyəti anladığını
- məlumatlardan düzgün istifadə edəcəyini qəbul etmiş sayılır.